髮泥介紹和使用心得

想試下用泥，但完全唔識，上網搵到篇文章似乎幾好咁
睇完之後，我諗我髮質都係比較軟，未必hold到，不過都係試下先
轉自：http://www.yonhair.com/
---------------------------------

Faddy:
絕對係垃圾,含有大量silicon(矽),長用的話會甩頭髮.
又唔hold又立,絕不推介!

Gatsby:
其實有兩隻,六角形既係泥,好立唔hold亦難洗,
聽聞有幾隻新既出左無咁立,
但暫時仲係日本先有得賣,香港未有,
我有個客去係日本買左一盒紫色的俾我,
但其實都唔係幾hold,小小立,
個人覺得只係新package,
予人一個新鮮感,舊酒新瓶.
而圓形樽裡面d野白色既係wax,雖然佢寫住wax,
但其實好hold,個人覺得黑色最好,
好啞色唔會令易洗又hold到,但佢好快乾,
一落就要做到個型,多過30秒已唔可以再整.
20-30元的價錢,在低檔clay中之中質素最好的一隻.

Xtah凝土:
其實髮泥這種東西,
就是由sebastian即是xtah的公司研製出來的,
早4,5年前,我才剛剛入行,還是JUNIOR的時候,
XTAH是市面上第一隻面世的髮泥,
未有咁多選擇前都算都幾好,但連續用三日,
日日洗頭洗到第三日已覺洗完都係立立地,
你會覺得有一層野係頭髮表面咁樣,
一定要用深層潔淨shampoo先得.
有好多人都覺得好用 ,但其實這是一隻帶有重量的髮泥,
我叫這個type的clay做"重泥"
含有小量silicon,天生髮質軟的話用後會加重頭髮的負量,
開頭係會造到個型,但好快會塌,
只合正常或粗硬髮質用,會啞色唔會乾,
無需洗頭可以隨時重新造型,但最貴係佢,
市面上尚有好多選擇,,要成一百蚊,
付得起這個價錢的話,我會寧願買第二隻.

紅ice
在2006年前,我覺得紅ice算最好,有齊gatsby wax既優點,
第一隻真正hold到既水溶性泥, 個holdng接近xtah,
但輕過xtah好多,在當時所有髮質軟的客我都建議用呢隻,
因為佢唔會加重頭髮的負重,只是同樣快乾,
我發現世事有時真係無完美,
呢類易清洗的水溶軟泥都係快乾,
但唔緊要,做人總要靠自己,
我自己會溝第二野隻一齊用,溝完之後可隨時番兜,
紅ice同樣有clay的優良特點,
啞色hold到但唔會硬到定晒咁樣,
唯一缺點佢快乾 同一個位置落左第一次無得重新造型
除非你洗頭restsrt,所以蝦人用,
我自己就溝造型布甸(PROMADE) 1比1份量
佢令到ICE可以番兜 個頭就算過左半日DROP晒都好
隨時推一推D頭髮又會再有番,
我覺得呢個咁ADVANCE既玩法
令到紅ICE更易用 接近完美,
總之在當時這是髮質軟人士最佳選擇,
但近呢一年,已經有兩隻更好的出現了,容後會談.
你首先可以擠小小落手掌 抄到你想向右邊,左邊,
或者向上 抄完之後,再擠 今次可以重手d ,
擠完之後,再用另一隻手既手指"奶"少少
用手指將你想整既頭整出黎
但係你照住我呢個方法gel多幾次,你就識

Promade
在未有vatachi及mr cool出現之前,
Promade及紅ice是我的必備品,
promade本身個性唔強,唔影響ice既易洗同好hold既特性
(因為promade更加易洗^^),
但溝淡左ice既定型成份,
二(promade)比一(ice)份量,我要黎溝ice ka,
如果淨用佢就用多少少,捽落髮根令其庭d,似鹽水效果,
因為佢好水溶,搽完頭洗手甚至唔洗落”簡”,
應該將手指深入髮底至到到根,輕微的造型效果^^

Goldwell
個隻係matt clay,用左頭髮會灰灰地,但唔hold.

仲有個d vifa,ice cream都係有silicon既泥,
得個立字,係好hold亦好難洗,用佢地不如唔好用.

在2006年之前,用過咁多隻,綜合各方面因素,紅ice算最好.
另外仲有一個問題就係--好多人以為
用多d泥就會好hold d,其實係錯ka~
泥唔似gel,泥係有重量既,係以粘力去支撐和增加texture,
gel就係完全密封頭髮,可比喻為膠水風乾後凝固頭髮,
所以gel用得愈多愈硬愈定,但泥就相反,
愈多反而個頭愈重,仲快塌呀.

而想用多d泥去令個頭hold我好d既,
多數係髮質天生偏軟幼細,髮根本身唔夠力,
想要自然的造型的話,
不要只用泥,否則好快就塌,
又有好多人會落泥後再用spary黎噴,
雖然,的確係會有幫助,
但硬到石頭一樣郁都唔郁的同時,其實已失去用泥的意義,
用clay就是想造出一個自然的造型,
如果會硬的話,倒不如用roxx,
roxx亦是xtah的出品,
可以定到8號風球都原整無缺,容後介紹.

純粹由styling方面入手的話,其實治標唔治本,
最徹底的解決方案是電鬆髮根(只係電鬆唔係電鬈!),
噴鹽水再落泥,
電鬆左既髮根洗完頭唔落泥已有輕微挻起的紋理,
這才是一個比較冶本的方法^^

vatachi

模仿紅ice的新產品,好似紅ice,但比ice更加hold,
造出來的效果比ice粗糙,小小散,
但電過髮髮尾散的不適合用,正常髮質的話效果會好過ice.
只是都是快乾,比ice更快,個人覺得適合髮型c用,
但唔適合一般user,如果你styling
已經好熟手好快起到個型,
YON會建議你用-

MR COOL

一隻無牌子的水溶性泥,
只有代理的不知明泥,相信應該係大陸野,
外型抄bed head圓圓的一個綠色球體狀,
係有個行街放低比我試下,初步觀感幾差,
外形太cheap,然而意外地效果卻異常之好,
有齊ice的特點,易清洗,holding強,好輕身,唔會令亦都唔立,
但最重要的一點是唔會點乾!
可以番兜,唔洗洗頭而隨時重塑造型,
用家不需要有快速高技巧,
讓你慢慢搓揉出你的理想造型,
呢隻野上手之後,我真正覺得咁多年黎,總算遇到喇.
唯一缺點,容量小,價錢平均$60-80,日日用,
應該用到一個月,我一個月開左3set><
yon的肯定推薦^^

鹽水(sea salt water)


其實是一種造型產品,
但它只會令頭髮變得挻身d,不會硬不會立,
有時我唔想個晚要洗頭或只想隨意d的日子,
就會只用鹽水,等個頭鬆d有d力,
用手推鬆小小個頭就有個型出黎,
想由朝keep到晚就鹽水再用ice^^
但唔會令頭髮直,佢係for天生軟既髮質或地中海用,
我d高髮線men客我一定會迫佢用,
配合一個低層次厚身前陰,再用鹽水,
本來遮唔晒頭肉都遮得晒,因為每條頭髮都粗左,
感覺頭髮會濃密左好多,
而呢個係我近期最興奮的發現^^"
天生軟既髮質用幾多泥都唔會hlod得耐,
(愈多愈死,落太多泥,仲重.)
係因為幼細既頭髮根本撐唔起.
應該先用鹽水打底,再搽泥,
因為鹽水會令幼細的髮絲擴張變粗,
個地基實左所以落泥就撐得起.
但YON只推介MATRIX及KMS,
MATRIX是最強效果的,但現在已停產,
唯有用KMS,它大概有MATRIX的60%效果,
WELLA都有出鹽水,但完全無用,yon絕不推薦!
鹽水TIPS:
洗完頭唔好吹乾,拿起頭髮噴鹽水落髮根,唔好咁多,
MEN頭前面一下,後面一下,兩邊各一好喇.
之後吹頭,吹乾就FEEL到.

ROXX

同樣是XTAH的出品,質地似一舊白菜糕,
NEW上手要嘖小小水先化得開,
化到好薄於雙手,由髮根開始拉出一支支的頭髮,
每次要用好少分量,因為佢勁快乾,
可能每一次小小只拉到兩,三束頭髮,
然後又NEW小小,嘖水,化開,再造小小,
STYLING一個頭所花的時間是CLAY幾倍,
這產品HOLDING是我見過最強的,
例如那些扮演L,孫悟空的COSPLAYER,
完全違反地心吸力的的龍珠頭,就是用ROXX造出來,
善用ROXX的特性,
在接觸頭髮後但尚未乾透的十多秒中,
用手JAR實那束頭髮落熱風焊一焊5,6秒,
再放開頭髮就會依你的手勢而變形,
好似鐵線一樣,想番兜嘖小小水可再做,
但嚴格黎講,佢並不算是GEL,
GEL只會將頭髮"痴"埋一齊,
ROXX的特性是勁 HOLD
但可以獨立範圍將頭髮地拉出,分開.
但相對地,這並不是一個自然的STYLING,
美觀與否,見仁見智~
-------------------------------------------------------------------------------------------------------

總之,最緊要落得夠泥,卒到好薄係隻手度,
一feel到隻手無"lim"就"new"多次泥,
卒晒落髮根到,一路感覺係咪成個頭既髮根都有泥,
然後順轉位撥,撥好晒一行行就輕手用指頭插入髮根,
只插一下就拉番隻手出黎,
你會見到插完既位鬆起左,唔夠再插.夠就next.
gel後面就分開手指,
向後推至中間點接合(後面枕骨以上既中間),
你會梳到一行行咁樣,
再用指頭由下至上插入髮根,插起佢.
-------------------------------------------------------------------------------------------------------
writen by YON 20070304